Започнува тестирањето на платформата JustinAIzer на 13.6.2024 година!
мај 31, 2024
Фаза на тестирање на платформата
Со големо задоволство објавуваме дека на 13.6.2024 година започнува тестирањето на иновативната платформа за примена на технологијата во правото – JustinAIzer. Оваа платформа, прва од ваков вид во Македонија, користи Вештачка интелигенција за обработка и анализа на правни документи, со цел да помогне во предвидувањето на можен исход на правен проблем.
Пристап до тест верзијата ќе може да добијат лица кои ќе нè контактираат преку Контакт формата на нашата веб-страница. Ова е уникатна можност за адвокати и за други професионалци во правната сфера, како и за било кое заинтересирано лице, да се запознаат со можностите и придобивките на платформата JustinAIzer, и тоа пред нејзиното официјално лансирање.
Не пропуштајте ја шансата да бидете дел од револуцијата во примената на новите технологии во правото!
Срдечно,
Тимот на JustinAIzer